Toshkent viloyati Parkent tumanida Oilaviy bolalar uylari farzandlari ishtirokida sumalak sayli oʻtkazildi.
Navroʻzi olam shukuhi kezib yurgan shu pallada yurtimizning barcha mahallalarida yaxshi niyatlar ila doshqozonlarda sumalaklar pishirilmoqda. Ezgulik, saxovat, mehr-oqibat bayrami boʻlgan ushbu ayyom kunlari Parkent tumanida viloyatdagi Oilaviy bolalar uylari farzandlari jam boʻlib, sumalak sayli tashkil etildi.
Sumalak sayli soʻlim tabiat qoʻynida davom ettirildi. Oʻgʻil- qizlar yam-yashil adirlarda varrak yasаb, shoʻx-shodon kulgilar bilan uni osmon uzra uchirishdi.
Bunday manzarada ot minishning ham gashti o`zgacha. Bolajonlar chavandozlarning otlarini minib, bir olam zavqqa toʻldi.
Milliy xalq oʻyinlarimizdan arqon tortish, tosh koʻtarish musobaqalari ham tadbirga oʻzgacha shukuh bagʻishladi. Shu tariqa bolajonlarga bir olam taassurot hadya etgan sumalak sayli ularning qalbiga yodda qolarli boʻlib muhrlandi.
