Kutubxona xodimlaridan tarix darslari
Farg‘ona viloyati Qushtepa tumani “Soxibkor” MFYdagi oilalardan birida tashkil etilgan “Oilam – baxtim quvonchi” oilaviy bolalar uyiga Axborot – resurs markazi vakillari tashrif buyurishdi. Kutubxona xodimlari oilaviy bolalar uyi qiz farzandlariga mamlakatimiz mustaqilligining 32 yilligi hamda qatag‘on qurbonlari xotirasiga bag‘ishlab tarix darslarini o‘tishdi. Qizlarga ona yurtimiz tarixining og‘ir yillari hamda qatag‘on qurbon bo‘lgan mashxur shoirlar, yozuvchilar, xalq arboblari haqida so‘zlab berishdi. Mehmonlar xalqqa bilim tarqatgan jadidlarni, ularning ilm-fan va taʼlimga qo‘shgan hissasi, maktablar, teatr, muzeylar barpo etgani, bosma nashriyotlarning rivojiga qo‘shgan hissasini alohida taʼkidlashdi. Qizlarni katta adabiyot fondi yig‘ilgan kutubxonaga taklif qilishdi.
