Bag‘dodda 53 nafar yigit-qizning muammosi oʻrganilib, ijobiy hal etildi
Bag‘dod tumani Guliston shaharchasida joylashgan Ma`daniyat saroyida joriy yil avvalida mahallalarda o‘tkazilgan "xonadonbay" o‘rganishlar natijalariga ko‘ra, yoshlarni har tomonlama qo‘llab-quvvatlash bo‘yicha belgilab olingan vazifalar ijrosiga bag‘ishlangan tadbir bo‘lib o‘tdi. Mazkur tadbirda tuman hokimi Yusufjon Xusainov va sektor rahbarlari, Yoshlar ishlari agentligi tuman bo‘limi vakillari, yoshlar hamda ularning yaqinlari ishtirok etdi.
Maʼlumot uchun: Yoshlar ishlari agentligining tuman bo‘limi tomonidan "Yoshlar daftari"ga kiritilgan yoshlarning 36 nafariga turli ko‘rinishda yordamlar ko‘rsatildi. Jumladan, 6 nafar ishsiz yigit-qizning bandligini ta’minlash maqsadida subsidiya asosida, mehnat qurollari topshirildi. Oliy ta’lim muassasalari talabalari bo‘lgan 23 nafar yoshlarga kontrakt to‘lovlarining ma’lum qismi to‘lab berildi. Shuningdek, 12 nafar yoshlarga o‘z salomatliklarini tiklashi uchun davolanish xarajatlari va yana 10 nafar yoshlarga fuqarolik guvohnomasi- ID-kartalarini rasmiylashtirish uchun Yoshlar jamg‘armasidan mablag‘ ajratildi.
Bugungi tadbirda ota-ona qaramog‘idan mahrum bo‘lgan 7 nafar o‘g‘il-qizga kompyuter jamlanmalari va zarur mebel jihozlari tantanali tarzda topshirildi.
Tadbir yakunida yoshlar va ularning yaqinlari ko‘rsatilayotgan g‘amxo‘rlik hamda e’tibordan mamnun ekanligini ta`kidlashdi.
