Iqtidorli yozuvchilar ishtirokidagi uchrashuvlar yoshlarda adabiyotga boʻlgan qiziqishni uyg‘otadi.
Milliy gvardiya harbiy xizmatchilari, Oilaviy bolalar uyi farzandlari hamda Oʻzbekiston Yozuvchilar uyushmasi Fargʻona boʻlimida milliy madaniyatimizning koʻzga koʻringan namoyondalari, sheʼriyat sohasining taniqli hamda yosh vakilalari-2022 yilgi "Zulfiya" mukofoti sovrindori Nilufar Ergasheva va "Yosh kitobxon" tanlovi gʻolibasi Sharofat Ismoilova bilan uchrashuv tashkil etildi.
Dildan kechgan suhbat davomida shoiralar yorqin isteʼdod, bilim, mahorat, fidokorona mehnat bilan jamiyatimizning maʼnaviy taraqqiyotiga munosib hissa qoʻshish mumkinligini taʼkidlab, maqsadlarini yuqori qoʻyish orqali katta yutuqlarga erishganligini soʻzlab berishdi.
Mazkur tadbir bolajonlarga jamiyatda o'z oʻrnini topish, yutuqlarga erishish yoʻlida har xil qiyinchiliklar hamda mashaqqatlarni yengib oʻtish lozimligi, shukronalik hissi tushunchalari, shuningdek, maʼnaviyatni shakllantirishda kitob oʻqishning oʻrni qay darajada ekanligini bilib olishlariga keng zamin yaratdi.
