14-sonli Mehribonlik uyi tarbiyalanuvchilari uchun yong‘inning oldini olish, sport va bilim inson uchun qanchalik muhim ahamiyatga ega ekanligi yuzasidan tadbir tashkil etildi
Chirchiq shahrida joylashgan 14-sonli “Mehribonlik uyida” Milliy gvardiya Toshkent viloyati bo‘yicha boshqarmasi, Chirchiq shahar Harbiy prokuraturasi va Favqulodda vaziyatlar Toshkent viloyat boshqarmasi tomonidan bolajonlar uchun turli ko‘rgazmali va sportga yo‘naltirilgan tadbirlar tashkil etildi.
Dastavval, sportchilar bilan uchrashuv bo‘lib o‘tdi. Unda bir qator sport turlari bo‘yicha jahon va osiyo chempionlari bolalarga qanday qilib g‘alabalarga erishganliklarini, hayotiy tajribalarini so‘zlab berib, muntazam sport bilan shug‘ullanishning afzalliklari haqida gapirishdi.
Shundan so‘ng, o‘t o‘chiruvchilar bolalarga yong‘inning kelib chiqish sabablarini, yong‘in bilan bog‘liq baxtsiz hodisalarni oldini olish va yong‘in kelib chiqqan vaziyatlarda birinchi navbatda nima qilish kerakligini tushuntirib o‘tishdi. Shuningdek, tadbir davomida bolalarga birlamchi yong‘inga qarshi vositalardan qanday foydalanish kerakligi ko‘rgazmali tarzda ko‘rsatildi.
Shundan so‘ng, muhim 5 tashabbus doirasidagi to‘garaklarda tarbiyalanuvchilar muddatli harbiy xizmatchilar bilan birgalikda stol tennisi, shaxmat- shashka bo‘yicha bellashdilar. Arqon tortish musobaqalarida do‘stona bahs olib borishdi. Bolalar karate sporti bo‘yicha ham o‘z isteʼdodlari va ko‘nikmalarini tadbir ishtirokchilariga namoyish etishdi. Qizlar esa chevarchilik ustaxonasida ustozlaridan o‘rganib, o‘zlari tikkan qo‘l mehnati mahsuli ishtirokchilarning eʼtiborini tortdi.
Shu bilan bir qatorda, musiqa bilan muntazam ravishda shug‘ullanib kelayotgan bolalar mehmonlarga milliy musiqa asboblarini qanday chalish kerakligini ko‘rsatib berib, bo‘sh vaqtlarida sitrus mevalar yetishtiradigan issiqxonaga taklif etishdi.
