15-may "Xalqaro Oila kuni" munosabati bilan Xiva shahridagi mahallalar o‘rtasida "Eng namunali oila" tanlovi o‘tkazildi.
Mazkur ko‘rik-tanlov xalqimizga xos eng ulug‘ qadriyat bo‘lmish - oilani asrab-avaylash, uning jamiyat hayotidagi roli naqadar muhim ekanligini anglash, oilalarni mustahkamlashda keng jamoatchilikning o‘rnini hayotiy misollar orqali ko‘rsatib berish, shuningdek , ibratli oilalarni rag‘batlantirish maqsadida tashkil etildi.
Ko‘rik-tanlov qoidasiga ko‘ra, ishtirokchilar 3 ta shart bo‘yicha bellashishdi. Barcha shartlar hakamlar hayʼati tomonidan odilona baholanib borildi.
Eng yuqori natijalarni qo‘lga kiritgan va barchaning eʼtirofiga sazovor bo‘lgan Xiva shahar Gazchi mahallasida yashovchi Yakubovlar oilasi "Insonparvar oila" nominatsiyasi bo‘yicha Xiva shahar va tumanda faxrli 1- o‘rinni olib Faxriy yorliq va qimmatbaho sovg‘alar bilan taqdirlandi. Shu bilan bir qatorda mazkur oila Viloyat bosqichiga ham yo‘llanmani qo‘lga kiritdi.
