Nurafshonda 2 ta Oilaviy bolalar uyi ochildi
Prezident Shavkat Mirziyoyev raisligida o‘tkazilgan videoselektorda mehribonlik uylaridagi bolalarni oilaga yaqin muhitda tarbiyalash, bilim va maʼnaviyatli, vatanparvar insonlar etib voyaga yetkazishga alohida eʼtibor qaratilib, bu borada yangi tizim joriy qilinishi taʼkidlangandi.
Nurafshon shahrida ilk marotaba Ezgu ishga qo‘l urgan Nurafshon shahar Oybek MFY, Oybek 2-proyezd ko‘chasi, 14-uyda istiqomat qiluvchi Mirazizova Dilnoza Muradovnalar tomonidan shahar hokimligi bilan xamkorlikda 1-sonli “Nurafshon mexri” Oilaviy bolalar uyini ochib, Bo‘ka tumanidagi 15-sonli Mexribonlik uyidan 5 nafar bolalarni oila bag‘riga qabul qilib olishdi. Shuningdek, Marifat MFY, Xaqiqat ko‘chasi, 58a uyda istiqomat qiluvchi Xalikova Dilfuza Anvarovnalar tomonidan shahar hokimligi bilan xamkorlikda 2-sonli “Shirin Mexrim” nomli Oilaviy bolalar uyini tashkil qilib Bo‘ka tumanidagi 15-sonli Mexribonlik uyidan 5 nafar o‘g‘il-qizlarni o‘z tarbiyasiga olishib, Oilaviy bolalar uyi faoliyatini yo‘lga qo‘yishdi.
Oilaviy bolalar uylarining tantanali ochilish marosimida shahar hokimi M.Saliyev, Milliy gvardiya Toshkent viloyati bo‘yicha boshqarmasi hodimlari, va boshqa masʼul idoralar hamda tashkilotlar mutasaddi rahbarlari ishtirok etishdi.
Tadbir davomida oilaviy bolalar uyi egalariga shahar hokimi o‘z minnatdorchiligini bildirdi. Shahar "Barkamol avlod" bolalar maktabi xodimlari tomonidan tayyorlangan teatrlashtirilgan sahna ko‘rinishlari va qorboboning Yangi yil sovg‘alari bolajonlar kayfiyatini ko‘tarib yuzlariga tabasum ulashishga sabab bo‘ldi.
Xonadonlarda ularning emin-erkin yashashlari, oilaviy muhit taftini his qilib ulg‘ayishlari uchun barcha shart-sharoit muhayyo etilgan. Muhimi, bu bolalar endi ota-ona mehru muhabbatidan bahramand bo‘lishadi, o‘zlarini tengqurlaridan aslo kam sezishmaydi.
