Bolajonlar doimo e’tiborda
Milliy gvardiya Buxoro viloyati bo‘yicha boshqarmasi, viloyat hokimligi hamda xalq ta’limi boshqarmasi mas’ullari tomonidan bolajonlarning holidan xabar olish maqsadida Abdullayevlar, Sattorovlar, O‘rinovlar xonadoniga tashrif amalga oshirildi.
Tashrifda, ular bilan qizg‘in suhbat qurildi. Shuningdek, oila muhitida tarbiya topayotgan maktab bitiruvchilari bilan suhbatda ularning qaysi kasbga qiziqishi tinglanib, kelgusi kasb tanlashi yuzasidan fikr mulohozalar bildirildi.
Tarbiyalanuvchilar uchun yaratilgan shart-sharoitlar, ularning ta’lim-tarbiyasi borasida amalga oshirilgan ishlar yuzasidan o‘rganishlar olib borildi.
Shuningdek, oilalardagi mavjud muammolarini joyida bartaraf etishga alohida e’tibor qaratildi.
Tashrif davomida, farzandlarining qiziqishlari bo‘yicha to‘garaklarga jalb qilish, tarbiyalanuchilarning temperament va xarakter xususiyatlari bo‘yicha pedagogik hamda psixologik tavsiyalar berildi.
Uchrashuv yakunida, bolajonlarga kitoblar to‘plami sovg‘a qilindi.
