Abdullayevlar oilasi farzandi An Anora Qo‘qon shahrida bo‘lib o‘tgan sportning “Armwrestling” turi bo‘yicha Respublika chempionati g‘oliblari safidan o‘rin egalladi
Joriy yilning 22-25 avgust kunlari Qo‘qon shahrida sportning “Armwrestling” turi bo‘yicha Respublika chempionati bo‘lib o‘tdi. Mazkur Chempionatda Buxoro viloyati Peshku tumanida yashovchi Abdullayevlar oilasi farzandi An Anora Nuriyevna ham faol ishtirok etdi. Anora 2009-2010 yillarda tug‘ilgan qizlar o‘rtasidagi bahslarda 50 kilogramm vazn toifasida ishtirok etib, o‘ng qo‘l bilan kurashda 3 o‘rinni qo‘lga kiritgan bo‘lsa, chap qo‘l bilan kurash bahslarida ham faxrli 3 o‘rinni qo‘lga kiritib, o‘z g‘oliblik medallari sonini 2 taga ko‘paytirishga muvaffaq bo‘ldi.
Maʼlumot uchun, An Anora Nuriyevna 2010 yil 18 iyun kuni Kogon shahrida tavallud topgan. Bugungi kunda Buxoro viloyati Peshku tumanida istiqomat qiluvchi Abdullayevlar oilasi farzandi hisoblanadi. Hozirda An Anora Nuriyevna Peshku tumanidagi 32-sonli maktabning 7-sinfida tahsil oladi. 8 yoshidan sportning boks turi bilan shug‘ullana boshlagan. Anora ayni vaqtda Peshku tumanida joylashgan 1-sonli Bolalar va o‘smirlar sport maktabida Saidov Sardor Ixtiyorovich murabbiyligi ostida sportning “Armwrestling” turi bilan muntazam ravishda mashg‘ulotlar o‘tkazib keladi.
