"Adabiyot yashasa millat yashaydi" shiori ostida milliy gvardiya xodimlari hamda oʻquvchi-yoshlar uchun ijodiy uchrashuv boʻlib oʻtdi
Shu yurtda yashab ijod etgan va etayotgan yozuvchi va shoirlar ijodini yoshlar orasida keng targʻib qilish yoshlarni Vatanga boʻlgan muhabbatini ortishiga zamin yaratish bilan birga ularni ijodga, adabiyotga, kitobga boʻlgan mehrini yanada ortishiga turtki boʻladi.
Andijon shahrida joylashgan Zahiriddin Muhammad Bobur nomidagi kutubxonada “Adabiyot yashasa millat yashaydi” shiori ostida kitob mutolaasi, gʻazalxonlik, sheʼriyat hamda Andijon viloyati yozuvchilar uyushmasi aʼzosi yozuvchi shoir Boburshunos Durbek Qoʻldoshevning 75 yilligiga bagʻishlangan ijodiy uchrashuv boʻlib oʻtdi.
Uchrashuvda Andijon viloyati Yozuvchilar uyushmasi, Andijon davlat universitetining professor ustoz va faxriylar Milliy gvardiya Andijon viloyati boʻyicha boshqarmasi va Qoʻriqlash boshqarmasi harbiy xizmatchi va xodimlari, Mudofaa vazirligiga qarashli harbiy qismlar, Muhammad Yusuf nomidagi ijod maktabining oʻquvchilari ishtirok etdilar.
Tadbir ustoz yozuvchi va shoirlarning yodda qolgan hikoyalari, Muhammad Yusuf nomidagi ijod maktabi oʻquvchilarining gʻazal va sheʼrlari, yozuvchi hamkasblarining tabriklari bilan yuqori saviya va koʻtarinki ruhda boʻlib oʻtdi.
