Qadimiy va hamisha navqiron Samarqand shahriga sayohat
Milliy gvardiya Navoiy viloyati boshqarmasi boshlig‘i tashabbusi bilan Karmana tumanida istiqomat qiluvchi Orziyev, Sulatnovlar oilasi farzandlari hamda ayol harbiy xizmatchilarning qadimiy va hamisha navqiron Samarqandga sayohati tashkil etildi. Bolajonlar Samarqandning barcha diqqatga sazovor joylari, tarixiy va arxeologik yodgorliklarini ziyorat qildilar, shuningdek, qadimiy So‘g‘d davlati va uning poytaxti Afrosiyob haqida ko‘plab yangi va qiziqarli ma’lumotlarga ega boʻlishdi. Suhbat davomida oʻg’il-qizlar qadimgi yunonlar va rimliklar Maroqand deb atagan Samarqand tarixi haqida o‘z bilimlari bilan o‘rtoqlashdi. Ishonchimiz komilki, bolajonlarning hayotida juda ko'p ,turli voqealar sodir bo'lsa ham, bu safargi sayohat ularning xotirasida abadiy saqlanib qoladi.
