SURXONDARYO VILOYATI ANGOR TUMANIDA OILAVIY BOLALAR UYI OCHILDI.
Mazkur Oilaviy bolalar uyining asoschilari Zamira Karliyevna va Komiljon Xurramovich bo‘lib, ularning to‘ng‘ich farzandi alohida xonadonda uch nafar
farzandini voyaga yetkazmoqda. Kichik farzandi bo‘lsa, Samarqand tibbiyot institutida tahsil oladi. Ular o‘tgan yilning 15 dekabrida bolalarni himoya qilish boshqarmasiga murojaat qilib, bolalarning yoshi, millatidan qatʼi nazar, o‘z oilasi aʼzolari sifatida qabul qilishga tayyor ekanliklarini bildirishgan. Ularning arizasi mutaxassislar tomonidan ko‘rib chiqilib, yashash sharoitlari o‘rganildi. Mazkur xonadonda 12 ta xona mavjud bo‘lib, qiz va o‘g‘il bolalar uchun alohida hammom, keng ovqat xonasi, bolalar uy vazifasini bajara oladigan xonalar uchun puxta o‘ylangan ichki makon qurilgan va barcha talablarga javob beradi. Oradan bir hafta o‘tgach ularga farzand asrab olishga ruxsat berildi.
Zamira Karliyevna va Komiljon Xurramovich butun viloyat bo‘ylab sayohat qilishdi va hatto poytaxtga tashrif buyurib: 14 yoshli Amaliya, 13 yoshli Otabek Toshkentning 22-sonli “Mehribonlik” uyidan, 17 yoshli Bibisora va uning 14 yoshli singlisi Qunduzoy hamda 11 yoshli Ulbegim-Qiziriq tumanidan, onasi vafotidan keyin yetim qolgan 10 yoshli Durdona va uning akasi Azizbek Sherobod tumanidan, faqatgina 10 yoshli Bibigonni o‘z mahallasidan asrab oldi.
Zamira Qaliyeva va Komiljon Xurramovich avvalo bolalardan o‘qishdan tashqari qanday qiziqishlari borligini so‘rashdi. Har bir bolaning o‘z xobbisi bor yekan. Amaliya yengil atletika, Otabek - suzish, Azizbek – futbol bilan shug‘ullanishni yoqtirsa, Bibisora va Bibizxon darhol umumiy mavzu - tikuvchilikni tanlashdi, ajab yemaski, ularning ismlari ham hamohang! Durdona va Ulbegimni kitoblardan uzib bo‘lmaydi, Qunduzoy yesa ovqat pishirishni yaxshi ko‘radi va onasidan so‘ragan birinchi narsa ham ovqat pishirish haqidagi kitob yedi. Kechqurun, uylarning derazalarida chiroqlar yoqilganda oila katta uydagi ulkan stolga yig‘iladi: Ota-ona, olti qizi va ikki o‘g‘li. To‘ng‘ich o‘g‘illari mehmondorchilikka kelib turishadi va bolalarning shodon kulgisi xonadonda uzoq yangraydi
