Bayram arafasidagi yo‘qlov
Qurbon hayiti arafasidagi ulug‘ ayyom kunlarida hamjihatlik, birdamlik va yakdillik, bir-birini qo‘llab-quvvatlash kabi oliy qadriyatlarimiz yana-da keng quloch yozmoqda.
So‘z o‘rnida eʼtirof etamizki, xayru saxovat, mehr-oqibat, insonparvarlik singari azaliy anʼana va qadriyatlarimizni asrab-avaylash maqsadida tashkil etilayotgan bu kabi tadbirlar barchaning qalbiga ezgulik ulashayotir.
Ayni shu maʼnoda, xalqimizning asrlar davomida sayqallanib kelayotgan o‘zaro hurmat, mehr-oqibat, xayr-saxovat kabi ezgu fazilati, milliy qadriyati ifodasi bo‘lmish muqaddas Qurbon hayiti bayrami arafasida Respublika Maʼnaviyat va maʼrifat markazi Buxoro viloyat bo‘limi, O‘zbekiston Yozuvchilar uyushmasi viloyat bo‘limi hamda Milliy gvardiya Buxoro viloyati bo‘yicha boshqarmasi rahbariyati tomonidan Buxoro shahridagi “Mattiyevlar” hamda “Behbutovlar” xonadonida tarbiya topayotgan bolajonlar holidan xabar olinib, ularga bayram sovg‘alari ulashildi.
