Bayrog‘imiz - millat iftixori
18 noyabr — O‘zbekiston Respublikasi Davlat bayrog‘i qabul qilingan kun munosabati bilan Namangan viloyati To‘raqo‘rg‘on tumanidagi Isʼhoqxon Ibrat ijod maktabida katta maʼnaviy-maʼrifiy tadbir bo‘lib o‘tdi. Ushbu tadbirda Milliy gvardiya Namangan viloyati bo‘yicha boshqarmasi va Qo‘riqlash boshqarmasi harbiy xizmatchilari hamda xodimlari ishtirok etdilar.
Tadbirda yoshlar "Ozod yurt bayrog‘i" mavzusida rasmlar tanlovida ishtirok etishdi, o‘z isteʼdodlarini namoyon etib, vatanparvarlik ruhini aks ettirgan ijodiy ishlarini taqdim qilishdi. Tadbirda Vatanni madh etuvchi qo‘shiqlar va sheʼrlar ijro etildi.
Milliy gvardiya vakillari tadbirda bayrog‘imizning tarixiy ahamiyati, uning xalqimiz uchun iftixor ramzi ekanligi haqida so‘z yuritib, yoshlarda yuksak maʼnaviy qadriyatlarni shakllantirish bo‘yicha maʼruzalar o‘qishdi.
Bayramona ruhda o‘tgan mazkur tadbir yoshlar uchun katta ilhom va motivatsiya manbai bo‘ldi.
Mustaqil O‘zbekiston bayrog‘i – yurtimizning ozodlik, tinchlik va taraqqiyot ramzi sifatida dunyoda doimo baland ko‘tarilsin!
