"Bir bo‘lsak — yagona xalqmiz, birlashsak — Vatanmiz!" shiori ostida "Vatanim ranglar jilosida" rasmlar tanlovi o‘tkazildi.
Farg‘ona viloyati Qo‘riqlash boshqarmasida tizimda xizmat qilayotgan xodimlarning farzandlari o‘rtasida "Vatanni ranglar jilosida" mavzusida rasmlar ko‘rik tanlovi o‘tkazildi. Tanlovda ishtirok etganlaridan bolajonlar juda mamnun bo‘lishdi. Tanlov ishtirokchilarining chizgan rasmlarida bolalarcha beg‘uborlik, soddalik, samimiylik hamda ularning faqat va faqat ezgulikka intilishlari yaratgan asarlarida shundoq namoyon bo‘lib turdi. Tanlovda ishtirok etgan bu kichik asarlarning orasidan eng yaxshisini ajratish mushkul bo‘ldi. Chunki har bir chizilgan asar o‘zgacha bir maʼno-mazmun kasb etgan edi. Shuning uchun ko‘rik-tanlov g‘olibini ovoz berish yo‘li bilan aniqlandi. G‘oliblarga boshqarma rahbariyati tomonidan tasviriy sanʼat borasidagi qobiliyatini yana-da rivojlantirish uchun esdalik sovg‘alari va diplomlar topshirildi. Shuningdek, Ko‘rik-tanlovning barcha ishtirokchilariga tashkilotchilar tomonidan esdalik sovg‘alari taqdim etildi.
