Bolajonlarga Prezident sovgʻalari tantanali ravishda topshirildi
Navoiy shahridagi “Farhod madaniyat saroyida” Yangi yil bayrami munosabati bilan bolajonlarga Prezident sovgʻalarini topshirishga bagʻishlangan marosim oʻtkazildi. Tadbirda oilaviy bolalar uylari tarbiyalanuvchilari, ota-ona qarovisiz qolganlar, Vatanimiz tinchlik- osoyishtaligini saqlash yoʻlida qurbon boʻlgan yurt fidoyilarining farzandlari, ijtimoiy himoyaga ehtiyojmand oilalar bolalari, davlat va jamoat tashkilotlari vakillari ishtirok etishdi.
Yangi yil bayramini orziqib kutgan, katta orzu-umidlar bilan yashayotgan bolajonlarga viloyat hokimi, Milliy gvardiya Navoiy viloyati boʻyicha boshqarmasi boshligʻi, viloyat sektor rahbarlari tomonidan Prezident sovgʻalari topshirildi. Ular Navoiylik 178 nafar oʻgʻil-qizga moʻljallangan boʻlib, 17 turdagi shirinliklar, kanselyariya mahsulotlari, smart soat, dars magnit taxtasidan iborat.
Marosim yakunida “Yangi yil quvonchi” deb nomlangan teatrlashtirilgan konsert dasturi namoyishi hamda bayramona tushlik tashkil etildi.
