Bolalarning qadimiy Buxoroga sayohati
Milliy gvardiya Qashqadaryo viloyati boʻyicha boshqarmasi tashabbusi bilan Muborak tumanida istiqomat qiluvchi Oilaviy bolalar uyi farzandlari uchun Buxoroga sayohat tashkil etildi. Tadbir davomida bolalar shaharning diqqatga sazovor joylari, tarixiy va arxeologik yodgorliklari bilan yaqindan tanishdilar.
Sayohatdan maqsad nafaqat oʻgʻil-qizlarga dam olishlari uchun sharoit yaratish,balki dunyoqarashlarini kengaytirish, ularni mamlakatimiz tarixi va madaniyati bilan tanishtirishdir.
Bolalar tarixiy Buxoroning deyarli barcha diqqatga sazovor joylarini: Xalifa, Mir Arab, Mirzo Ulugʻbek madrasalari va sayyohlar toʻplanadigan boshqa maskanlarni ham ziyorat qildi.
Shu bilan bir qatorda, yoshlar milliy raqslar, qoʻshiqlar va liboslar haqida koʻplab maʼlumotlarga ega boʻlishdi.
Bu kabi tadbir bolalarning ijtimoiy, madaniy va maʼrifiy jihatdan rivojlanishiga yoram beradi.
