BOLALAR UYI FAOLIYATI O‘RGANILDI
O‘zbekiston Respublikasi Jamoat xavfsizligi universiteti Harbiy-vatanparvarlik, maʼnaviy-maʼrifiy tarbiya va yoshlar bilan ijtimoiy ishlash kafedrasi professor-o‘qituvchilari tomonidan Andijon viloyati sog‘liqni saqlash boshqarmasi viloyat Bolalar uyiga tashrif buyurildi.
Ushbu muassasada 0 yoshdan 3 yoshdagi yetim bolalar, ota-ona qarovisiz qolgan bolalar hamda psixofizik rivojlanishi buzilgan bolalar tarbiyalanishi, hozirda muassasada 27 nafar tarbiyalanuvchi mavjudligi, Bolalar uyining shart-sharoitlari, u yerda faoliyat ko‘rsatayotgan tarbiyachilar, psixolog va tibbiy xodimlarni ish hujjatlari va amalga oshirilgan ishlari, shu bilan birga pedagogik ish jarayonida yuzaga kelayotgan muammolar kafedra professor-o‘qituvchilari tomonidan o‘rganildi va tarbiyachilarga kerakli taklif va tavsiyalar berildi hamda kelgusidagi hamkorlik ishlari belgilab olindi.
