BOLALARGA YONG‘IN XAVFSIZLIGI QOIDALARI AMALIY TARZDA TUSHUNTIRILDI
Yong‘in xavfsizligini taʼminlash har doim dolzarb ahamiyatga egadir. Chunki kelib chiqish sababi va joyidan qatʼiy nazar, sodir bo‘lgan yong‘inlar hamma vaqt mamlakat va aholi uchun og‘ir falokatlardan biri bo‘lib kelgan.
Mana shunday vaziyatlarni oldini olish maqsadida Toshkent shahar Yunusobod tumani Favqulodda vaziyatlar vazirligi xodimlari tomonidan 21-sonli Mehribonlik uyi tarbiyalanuvchilari uchun Favqulotda vaziyat sodir bo‘lganda qanday xatti-harakatlarni olib borish kerak ekanligi bo‘yicha amaliy va nazariy mashg‘ulotlar o‘tkazildi.
Mashg‘ulot jarayonida yong‘in xavfsizligi qoidalariga kiritilgan o‘zgartirishlar hamda tavsiyalar, shuningdek, yong‘inga qarshi texnik himoya jihozlari, yong‘inni o‘chirishning birlamchi vositalari hamda fuqarolar mol-mulkini evakuatsiya qilish choralari to‘g‘risida, gaz va maishiy elektr asboblaridan foydalanganda ehtiyotkorlikka amal qilish yuzasidan tushunchalar berildi. Mashg‘ulot davomida ishtirokchilar o‘zlarini qiziqtirgan savollariga atroflicha javob olishdi.
