Buxoroda Oilaviy bolalar uyi farzandlari o‘rtasida «Orasta qizlar» deb nomlangan ko‘rik-tanlov bo‘lib o‘tdi
Buxoro viloyatidagi Oilaviy bolalar uyi farzandlari o‘rtasida «Orasta qizlar» deb nomlangan ko‘rik-tanlov o'tkazildi.
Ushbu ko‘rik-tanlov yosh qizlar o‘rtasida sog‘lom ma'naviy-axloqiy muhitni yanada mustahkamlash, ularning ma'naviy-intellektual salohiyati, ongu-tafakkuri va dunyoqarashini yuksaltirish, ularning qalbida ona Vatanimiz hamda xalqimizga muhabbat va sadoqat tuyg‘usini yanada kuchaytirishga qaratilgan ustivor vazifalarni izchil amalga oshirishga yo‘naltirilgan.
Tanlovni o‘tkazishdan maqsad, mustaqil hayot ostonasiga qadam qo‘ya boshlagan yosh qizllarni Vatanimiz, xalqimiz, milliy qadriyatlarimiz, tarixiy-ma'naviy merosimizga hurmat va sadoqat ruhida tarbiyalash, dunyoqarashi va fikrlash doirasini kengaytirish, ijodiy salohiyatini oshirish, ma'naviy barkamol shaxs bo‘lib voyaga yetishlarida ko‘maklashish, sog‘lom turmush tarzini targ‘ib etish, faolligi va tashabbuskorligini qo‘llab-quvvatlash, iqtidorli, ijodkor yoshlarni rag‘batlantirish, ularning o‘z aql-zakovatini namoyon etishlariga ko‘maklashish va o‘zaro sog‘lom raqobatni shakllantirishdan iboratdir.
Mazkur bellashuvda hakamlar hay'ati tomonidan Behbutovlar, Saidovlar, Jo‘rayevlar, Ochilovlar, Abdullayevlar oilasi qizlarining bilimlari, etikasiga muvofiq imidjlari hamda tezkorlik, zukkolik va chaqqonliklari munosib baholandi.
Shuni alohida ta'kidlash joizki, Buxoro muhandislik-texnologiya instituti hamkorligida bo‘lib o‘tgan ushbu tadbir yuqori saviyada bo‘lib o‘tdi.
Ko‘rik-tanlov yakuniga ko‘ra, g‘oliblar munosib taqdirlanib, tashkilotchilar tomonidan diplom va esdalik sovg‘alari taqdim qilindi.
