"DIQQAT, PIYODALAR!"
Ana shunday shior ostida Xorazm viloyati IIB yo‘l harakati xavfsizligi xizmati xodimlari va Milliy gvardiya harbiy xizmatchilari tomonidan Oilaviy bolalar uyi tarbiyalanuvchilari ishtirokida yo‘l harakati xavfsizligi bo‘yicha mashg‘ulotlar tashkil etildi.
Mashg‘ulotlar maxsus jihozlangan sinfda o‘tkazilib,ishtirokchilar yo‘l belgilari, svetoforlar, piyodalar o‘tish joylari, devorlarda yo‘l harakati qoidalari, jumladan, yo‘l belgilari tasvirlari va ularning ahamiyati borasida ko‘plab maʼlumotlarga ega bo‘ldi. Amaliy mashg‘ulot jarayoni sinfxonada shaharning haqiqiy holatiga imkon qadar yaqin sharoitda amalga oshirildi.
Bolalarga yo‘l harakati qoidalari va ularning yoshida bilish kerak bo‘lgan yo‘l belgilari va talablar tushuntirildi. Dars so‘nggida har bir tarbiyalanuvchiga eslatma tarqatilib, barcha savollarga javoblar berildi.
