Toshkent viloyatda tashkil etilgan oilaviy mehribonlik uylarining tarbiyalanuvchilari bo‘lgan bolajonlar uchun kuni kecha qadimiy tarixga ega bo‘lgan ko‘hna Samarqand shahriga sayohat tashkil etildi. Milliy gvardiya viloyat bo‘yicha boshqarmasi va viloyat Hokimligi mutasaddilari ko‘magida tashkil etilgan sayohatda yigit-qizlar turli qadamjolar bilan yaqindan tanishdilar. Ushbu qiziqarli sayohat Haqida hozirgi lavhamizda batafsil tanishishingiz mumkin.
Qiziqarli,unutilmas taassurotlarga boy bo‘lishi kutilgan sayohat bolajonlar va ularga hamroqlik qiluvchi ota-onalarning xotirasida uzoq vaqt saqlanib qolishi tabiiy. Dastlab “Mirzo Ulug‘bek” rasadxonasidan boshlangan ziyorat davomida yigit-qizlar observatoriyadagi qadimiy koinot o‘lchashga mo‘ljallangan asbob uskunalar, shuningdek, ushbu davr haqida hikoya qiluvchi qo‘lyozmalar, tarixiy hujjatlar bilan ham yaqindan tanishdilar. Bolajonlarning keyingi manzili “Shohi zinda ” majmuasi hamda “Registon ansambli” bo‘ldi. Ushbu qadamjolarda tarbiyalanuvchilar tarixning sirli tilsimlarini o‘zida jamlagan moziy haqida so‘zlovchi Mahobatli binolar hamda Temuriylar davridagi madaniy – maʼrifiy hayot bilan yaqindan tanishdilar.
Tarix va kelajak tutashgan ushbu zamindagi qisqa sayohat oilaviy mehribonlik uylarining bolajonlari xotirasida uzoq vaqt unutilmas bir olam taassurotlar bilan saqlanib qolishi shubhasiz. Negaki,ushbu tarbiyalanuvchilarning ko‘pchiligi Samarqand shahriga ilk bor kelishi,bu yerdagi tarixiy qadamjolar bilan yaqindan tanishganlari kamchilikni tashkil etardi. Ushbu sayohat orqali esa ular tarixning jonli ko‘zgusi bo‘lgan qadimiy shahardagi zalvorli o‘tmish bilan yaqindan tanishdilar.
Bu kabi sayohatlar natijasida moziy gavhari hisoblanish Samarqand shahrining tarix va o‘tmish tutushgan maskanlarida bo‘lishgan oilaviy bolalar uylarida kamolga yetayotgan ushbu bolalar tarixni yana-da yaxshi anglashlari, ajdodlarimizga munosib avlod bo‘lib,yurt taraqqiyotiga daxldorlik hisi bilan ulg‘ayishlarida zamin hozirlashi bilan ahamiyatlidir.
Sahifadagi xatolar bo`yicha manzil:
Matn xato bilan:
Sizning izohingiz yoki to`gri versiya:
