Eng mazali non bu - oʻz qoʻllaringiz bilan yopilgan nondir
20.2.2023
1041
Qadim zamonlardan oʻgʻil bolalarga qirq hunar oʻrgatilgan. Hozirgi davr yoshlari otni egarlab, qilich bilan jang qilishlari shart emas. Biroq, bir nechta hunarga ega boʻlgan va shu bilan birga, yaxshi taʼlim olgan yoshlar kelajakda koʻp narsalarga qiziqmagan tengdoshlariga qaraganda katta muvaffaqiyatlarga erishadilar. Shu bois, kattalarning ham vazifasi ularga imkon qadar koʻproq oʻrgatish va oʻrganishga boʻlgan xohishlarini qoʻllab-quvvatlashdir.
Chirchiq shahridagi 14-sonli Mehribonlik uyi tarbiyalanuvchilari novvoylikni oʻrganish taklifini bildirishganida bu taklif soʻzsiz qoʻllab-quvvatlandi. Bugun 1-guruh yigitlari xamir qorib, tandirni qizdirishni oʻrganishdi va mazali kulchalar bilan oʻrtoqlarini mehmon qilishdi.
