“Yoshlar oyligi” doirasida “Yangi O‘zbekiston yoshlari, birlashaylik!” shiori ostida Milliy gvardiya hamda hamkor tashkilotlar tomonidan harbiy vatanparvarlik tadbirlari o‘tkazilmoqda
O‘quvchi yoshlarning yozgi taʼtil vaqtlarini mazmunli o‘tkazishlari, ularning jismoniy va aqliy salohiyatlarini oshirish, bolajonlarga yaxshi kayfiyat ulashish maqsadida respublikamiz bo‘ylab bolalar sog‘lomlashtirish oromgohlarida harbiy Vatanparvarlik tadbirlari o‘tkazilmoqda.
Xususan, Milliy gvardiya Andijon viloyati bo‘yicha boshqarmasi hamda Qo‘riqlash boshqarmasi bilan hamkorlikda yosh avlodni yurtga muhabbat ularda ona Vatanni himoya qilishga dahldor tuyg‘ulari bilan tarbiyalash hamda ularning yozgi taʼtil vaqtini mazmunli tashkil etish maqsadida joylardagi oromgohlarda harbiy Vatanparvarlik va sport tadbirlari o‘tkazildi.
Tadbirda o‘quvchi yoshlarga zamonaviy harbiy qurol-aslaha ko‘rgazmalari namoyish etilib, sport turlari kamondan otish, futbol, shaxmat, stol tennisi turlari bo‘yicha mahorat darslari bo‘lib o‘tdi.
Shuningdek, Andijon viloyati Buloqboshi tumanida joylashgan “Shifokor” bolalar sog‘lomlashtirish oromgohida Maktabgacha va maktab taʼlimi boshqarmasi hamda Favqulodda vaziyatlar boshqarmasi bilan hamkorlikda o‘tkazilgan vatanparvarlik va sport tadbirlari ham yoshlarda katta taassurot qoldirdi.
Ayniqsa, o‘quvchi yoshlar xarbiy qurol aslahalar ko‘rgazmasi namoyish etilib, sportning “Futbol”, arqon tortish va arg‘imchoqda sakrash turlari bo‘yicha oromgoh birinchiligi musobaqalarida faol qatnashdi.
Tadbir yakunida g‘oliblarga dimlom va estalik sovg‘alari topshirildi.
Bunday tadbirlar respublikamizning boshqa hududlarida ham davom etmoqda.
