Yozgi ta'tildagi bolajonlar uchun vatanparvarlik tadbirlari davom etmoqda..
Milliy gvardiya Jizzax viloyati bo‘yicha boshqarmasi hamda viloyat Qo'riqlash boshqarmasi bilan hamkorlikda o'sib kelayotgan yosh avlodni yurtga muhabbat hamda ona Vatanni himoya qilishga dahldorlik tuyg'ulari bilan tarbiyalash, yozgi ta'til vaqtini mazmunli tashkil etish maqsadida "ENERGY" Bolalar sog'lomlashtirish oromgohida harbiy vatanparvarlik tadbiri o'tkazildi.
Bolajonlarning bo‘sh vaqtlarini mazmunli tashkil etish maqsadida sportning shaxmat-shashka, futbol, volleybol, rasm chizish, yugurish, kamondan o‘q otish, stol tennisi musobaqalari o‘tkazildi.
Ayniqsa zamonaviy qurol-aslaha va jangovar texnikalar namoyishi bolalarda olam-olam quvonch va unutilmas taassurot qoldirgan bo'lsa, Milliy gvardiya harbiy xizmatchilarining qoʻl jangi bo'yicha jangovar chiqishlari, mohir yoʻriqchi va aqlli xizmat itining koʻrgazmali namoyishi yoshlarga yanada unutilmas zavq bag'ishladi.
Bolajonlar ijrosidagi kuy-qo‘shiqlar tadbirga o‘zgacha kayfiyat bag‘ishladi. Kulgi va quvonchga toʻlgan oromgoh sahnasi raqs maydoniga aylanib, barchani oʻziga chorladi.
