Farg‘onada "Buyuk yurt farzandlari kelajak sari " nomli oilaviy bolalar uyi tashkil etildi
2021 yil 28 iyul kuni O‘zbekiston Respublikasi Prezidenti Shavkat Mirziyoyev raisligida o‘tkazilgan videoselektorda mehribonlik uylaridagi bolalarini oilaga yaqin muhitda tarbiyalash, vatanparvar insonlar etib voyaga yetkazishga alohida eʼtibor qaratilib, bu boradagi ishlarga Milliy gvardiya masʼulligi belgilangan edi.
Farg‘ona viloyati, Farg‘ona tumani, Ilg‘or MFY, Farovon turmush ko‘chasi 370 uyda yashovchi fuqarolar Akbarov Shavkatjon Abdusalimovich va uning turmush o‘rtog‘i Karimqulova Nigoraxon Mamasidiqovnalar Marg‘ilon shahridagi 1-sonli mehribonlik uyidan 5 nafar o‘g‘il bolalarni oila bag‘riga qabul qilib “Buyuk yurt farzandlari kelajak sari” nomli oilaviy bolalar uyi faoliyatini yo‘lga qo‘ydilar.
Oilaviy bolalar uyining tantanali ochilish marosimida Milliy gvardiya Farg‘ona viloyati bo‘yicha boshqarmasi harbiy xizmatchilari, Farg‘ona tumani xokimligi va keng jamoatchilik vakillari ishtirok etishdi.
Tadbir davomida Milliy gvardiya Farg‘ona viloyati boshqarmasi tomonidan bolajonlarga sport anjomlari hamda kitoblar jamlanmasi sovg‘a qilindi.
Honadonlarda ularning emin-erkin yashashlari, oilaviy muhit taftini his qilib ulg‘ayishlari uchun barcha sharoitlar muhayyo etilgan. Muhimi bu bolalar endi ota-ona mehru muhabbatidan bahramand bo‘lishadi, o‘zlarini tengqurlaridan aslo kam sezishmaydi.
