Farg‘ona oromgohlarida Vatanparvarlik tadbirlari davom etmoqda.
Yozgi taʼtilni mazmunli o‘tkazish bilan birga yana-da kuch-quvvatga to‘lib, maʼnan va jismonan barkamol bo‘lishga intilib, viloyat bo‘ylab tashkil etilgan yozgi oromgohlarda dam olayotgan maktab o‘quvchilari bilan muntazam shug‘ullanish, ularni Vatanparvar etib tarbiyalashga qaratilgan ishlar Milliy gvardiya Farg‘ona viloyati bo‘yicha boshqarmasi harbiy xizmatchilari tomonidan izchillik bilan davom etmoqda.
Xususan, inspektor-psixologlar va Qo‘riqlash boshqarmasi xodimlari hamda Qurolli kuchlar tizimi bilan hamkorlikda bolalar oromgohiga tashrif buyurilib, Vatanparvarlik tadbirlari olib borilmoqda. Bolalar uchun ko‘rgazmali chiqishlar tashkillashtirilib, kamondan o‘q otish musobaqasi o‘tkazilib, davra suxbatlari olib borildi. Bolalarni harbiylik kasbiga bo‘lgan qiziqishlarini yana-da orttirish va vatanparvar qilib tarbiyalashga qaratilgan bunday tadbirlar viloyat bo‘ylab barcha oromgoxlarda davom etmoqda.
