Farg‘ona viloyatida besh nafar ota-ona qaramog‘idan mahrum bo‘lgan yoshlarga xonadon kalitlari topshirildi
So‘nggi yillarda yetim va ota-ona qaramog‘idan mahrum bo‘lgan bolalarga eʼtibor oshirildi, bu toifadagi bolalarni ijtimoiy qo‘llab-quvvatlash chora tadbirlari kuchaytirildi.
Ota-onasidan ajralib. yetim qolgan 3 nafar yigit va 2 nafar qizlarni buvisi, xola va tog‘alari tarbiyalashgan. Ulardan biri Sobirov Alisher Mehribonlik uyida katta bo‘lgan. Balog‘at yoshiga to‘lgach Alisher va 19 yoshli Kamila Yusupovaga Farg‘ona viloyati markazi Farg‘ona shahridan xonadon ajratilgan, Muhtasarxon Paygamova esa tavalludining 23 yilligini Furqat tumanidagi yangi xonadonda nishonlaydi. U bilan qo‘shni bo‘lib Sanatjon To‘ychiyev va 19 yoshli Yodgorjon Madaminov yashaydi.
Yurtimizda bu kabi ezgu ishlarni amalga oshirishga, ota-ona mehrini ko‘rmagan o‘smir avlod va yoshlarga xar tomonlama yordam ko‘rsatishga qaratilgan bir qator hujjatlar qabul qilindi. Xususan, Vazirlar Mahkamasining 2021 yil 25 oktyabrda qabul qilingan № PKM-656 sonli “Yetim bolalar va ota-ona qaramog‘idan mahrum bo‘lgan bolalarning ijtimoiy himoyasini kuchaytirish, turar-joylar bilan taʼminlash, ularni oilaviy bolalar uylariga joylashtirish, hayotga tayyorlash uchun qulay shart-sharoitlar yaratish tizimini takomillashtirish to‘g‘risida"gi qaroriga asosan o‘tgan yili Farg‘ona viloyatida 18 yoshga to‘lgan 17 nafar yoshlar uy-joy bilan taʼminlandi. Bu yili esa 37 nafar yigit va qiz yangi xonadon egalariga aylandi. Xonadonlar shinam, taʼmirlangan va to‘liq jihozlangan bo‘lishiga alohida eʼtibor qaratilmoqda.
Yuqorida aytib o‘tilgandek yoshlarni uy-joy bilan taʼminlashdan tashqari, ularni ishga joylashishida ham yordam ko‘rsatilmoqda.
Shuningdek, yigit va qizlar davlat Rahbariga hamda ularning uy-joy bilan taʼminlanishida o‘z hissasini qo‘shgan shaxslarga samimiy minnatdorchilik bildirishdi.
