Farg‘onada yana bir "Yosh gvardiyachilar" sinfi ochildi.
O‘quvchi-yoshlarni harbiy vatanparvarlik ruhida tarbiyalashga qaratilgan chora tadbirlar doirasida Maktabgacha va maktab taʼlimi vazirligining “Umumiy o‘rta taʼlim maktablarida “Yosh gvardiyachilar” ixtisoslashtirilgan sinflari faoliyatini tashkil etish chora-tadbirlari to‘g‘risida”gi qo‘shma qarori ijrosini taʼminlash yuzasidan Milliy gvardiya tizimida salmoqli ishlar amalga oshirilmoqda.
Milliy gvardiya Farg‘ona viloyati bo‘yicha boshqarmasi boshlig‘i tashabbusi va bolalar bilan ishlash bo‘yicha o‘rinbosari boshchiligida Toshloq tumanida joylashgan 3-sonli umumiy o‘rta taʼlim maktabida "Yosh gvardiyachilar" sinfi tashkillandi va bir qator masʼul raxbarlar boshchiligida tantanali ravishda ochilish marosimi bo‘lib o‘tdi.
Endilikda bu sinflarda taʼlim oladigan o‘quvchilarga harbiy bilim va ko‘nikmalar o‘rgatilib, ularda Vatanparvarlik ruhi yana-da mustahkamlanadi. Yurtga, Vatanga munosib farzand bo‘lish uchun har tomondan yetuk bo‘lib ulg‘ayadilar.
