fotoreportaj
1-iyun "Bolalarni himoya qilish kuni” munosabati bilan Milliy gvardiya Toshkent viloyati Qo‘riqlash va Xalq taʼlimi boshqarmalari hamda Chirchiq shahar Prokuraturasi tomonidan Chirchiq shahrida joylashgan 14-sonli "Mehribonlik uyi" tarbiyalanuvchilari uchun bayram dasturi tashkil etilib, bolajonlarga bayram dasturxoni yozildi. Chirchiq shahar hokimligi bilan hamkorlikda tashkil etilgan tadbir davomida viloyat Xalq taʼlimi boshqarmasi boshlig‘i A.Kamolov, Toshkent viloyati Qo‘riqlash boshqarmasi boshlig‘i o‘rinbosari B.S.Jumayev, shuningdek, shahar prokurorining katta yordamchisi L.Zamitova va Bolalarni himoya qilish shoʻbasi mudiri Sh.Ermetovlar tomonidan "Mehribonlik uyi"ning sport va boshqa yo‘nalishlarda yaxshi ko‘rsatkichlarga erishgan tarbiyalanuvchilariga faxriy yorliqlar va esdalik sovg‘alari topshirildi. Ushbu tadbirda Chirchiq shahar 23-sonli Ixtisoslashtirilgan yordamchi maktab va 15-sonli Bolalar musiqa va sanʼat maktabi jamoalari ajoyib kuy-taronalari va o‘zgacha chiqishlari bilan bolajonlarga ko‘tarinki kayfiyat ulashishdi.
