Asosiy vazifa - bolalar salomatligini saqlash va qulay sharoitlarni yaratish
Oldin xabar berganimizdek, qish fasli oldidan Milliy gvardiyaning hududiy boshqarmalari harbiy xizmatchilari va xodimlari, Favqulodda vaziyatlar vazirligi yong‘in xavfsizligi xizmati hududiy bo‘linmalari, elektr tarmoqlari, issiqlik va gaz taʼminoti korxonalari mutaxassislari bilan birgalikda oilaviy bolalar uylarining qishga tayyorligi tekshirilgan edi.
Shu bilan birga, hozirda isitish tizimlari va uskunalari, elektr simlari, gaz quvurlari holati tekshirildi. Generatorlar, o‘choq uskunalari va maishiy isitish elektr jihozlarining xizmat ko‘rsatish holati va funksionalligi o‘rganildi. Aniqlangan nosozliklarni bartaraf etish choralari ko‘rildi.
Bundan tashqari, is gazi bilan bog‘liq yong‘in va baxtsiz hodisalarning oldini olish maqsadida bolalar va ota-onalar bilan tushuntirish suhbatlari o‘tkazilmoqda. Mutaxassislar nima uchun nosoz isitish moslamalarini ishlatish xavfli ekanligini, elektr tarmog‘ida qisqa tutashuv va yong‘in qanday sodir bo‘lishi, uglerod oksidi nima ekanligini va uglerod oksidi zaharlanishidan qanday himoya qilish, uy va oilangizni qanday himoya qilish kerakligini tushuntirib berilmoqda. Sovuq kunlarda yong‘in bilan bog‘liq baxtsizliklardan ehtiyot bo‘lish hamda elektr tarmog‘idagi yuklama ortib borgani sari ko‘proq gaz va issiqlik isteʼmol qilinishi haqidagi zaruriy maʼlumotlar, tavsiyalar berilmoqda.
Shuningdek, oilaviy bolalar uylariga tashriflar chog‘ida hal etilayotgan yana bir muhim masala – bolalarni qishki kiyim-kechak va poyafzal bilan taʼminlash. Zarur bo‘lganda, tibbiy ko‘rikdan o‘tkazish masalalari, malakali tibbiy yordam olish va dori-darmonlarni sotib olishda yordam ko‘rsatish.
Keng ko‘lamli ishlardan ko‘zlangan asosiy maqsad bolalar salomatligini asrash, oilaviy bolalar uylarida qulay yashash sharoitlarini yaratish bo‘yicha barcha chora-tadbirlarni ko‘rishdan iborat.
Suratlarda: Farg‘ona va Buxoro viloyatlaridagi xonadonlarda qishga tayyorgarlikni tekshirish ishlari olib borilmoqda.
