IJTIMOIY YETIMLIKNI OLDINI OLISH DOLZARB MASALALARDAN BIRI
O‘zbekiston Respublikasi Prezidentining 2021 yil 9 avgustdagi “Yetim bolalar va ota-ona qaramog‘idan mahrum bo‘lgan bolalarni tarbiyalashning tubdan yangilangan tizimini joriy etish chora-tadbirlari to‘g‘risida”gi qarorlariga asosan yetim bolalar va ota-ona qaramog‘idan mahrum bo‘lgan bolalarni tarbiyalash hamda ijtimoiy yetimlikni oldini olish bo‘yicha ham keng ko‘lamli ishlar amalga oshirilmoqda.
Xususan, “Mehrli qo‘llar” Imkoniyati cheklangan yoshlar va bolalar markazi faollari hamda Sog‘liqni saqlash vazirligining tuman birlashmalari tibbiy xodimlari bilan hamkorlikda poytaxtimizdagi Shayxontohur, Uchtepa, Chilonzor, Mirzo Ulug‘bek, Yashnabod va Yakkasaroy tumanlarida istiqomat qiluvchi yuzga yaqin kam taʼminlangan oilalarda shuningdek, yolg‘iz ona qaramog‘ida tarbiyalanayotgan nogironligi bo‘lgan bolalar holidan xabar olinib, ularning muammolari o‘rganildi.
O‘rganishlar davomida aniqlangan muammo va kamchiliklar bartaraf etildi va shu bilan bir qatorda kam taʼminlangan oilalarda, yolg‘iz ona va ota-ona qaramog‘ida tarbiyalanayotgan nogironligi bor bolalarga hamda Toshkent shahrida 2 ta va Toshkent viloyatidagi 6 ta Oilaviy bolalar uylarida tarbiyalanayotgan bolajonlarga homiylar tomonidan kerakli oziq-ovqat, qishki kiyimlar hamda gigiyena vositalari yordam tariqasida tarqatildi.
