Inson qadri ulug’langan yurtimizda hech kim mehr va e’tibordan chetda emas.
Davlatimiz rahbarining alohida e’tibori tufayli ota-ona qaramog’idan erta mahrum bo’lgan, etim bolalarning hech kimdan kam bo’lmay yashashi uchun shart-sharoit yaratib berilmoqda.
Kogon shahrida 1 nafar ana shunday yigit uy-joyli bo’ldi.
Milliy gvardiya Buxoro viloyati bo’yicha boshqarmasi boshlig‘ining o‘rinbosari J.Bozorov, Kogon shahar hokimi H.Davlatov, O’zbekiston Respublikasi Prezidenti huzuridagi Ijtimoiy himoya milliy agentligining Buxoro viloyati boshqarmasi boshlig’i U.Umarovlar ishtirokida ota-ona qaramog’idan mahrum bo’lgan bola Tuyev Jonibek Rahmatillo o’g’liga ajratilgan 1-xonali uy kaliti tantanali topshirildi.
Jonibek taqdirning achchiq qismati tufayli ota onasidan erta ayrilib, shu paytga qadar buvisi Sharipova Marziya qaramog’ida yashadi. Unga o’zi yashayotgan shahardan bir xonali uy sovg‘a qilindi.
