Yana bir Mehribonlik uyi sobiq bitiruvchisining orzusi roʻyobga chiqdi
Mahliyoxon Obidova 1995-yilda Qoʻqon shahrida tugʻilgan. Bolaligida ota-onasidan ajralganidan soʻng, 12-sonli Mehribonlik uyida tarbiyalangan.
2012-yilda 18 yoshga toʻlganidan keyin u yotoqxonaga joylashtirilgan va hozirga qadar shu yerda turmush oʻrtogʻi hamda farzandi bilan yashagan.
Yotoqxonadagi xona taʼmirtalab boʻlib, oshxonasi, hammomi va hojatxonasi umumiy va sanitariya-gigiyena talablariga ham javob bermaydi.
Milliy gvardiya va mahalliy hokimiyat vakillaridan iborat ishchi guruh tomonidan Mahliyoning yashash sharoiti oʻrganilganidan keyin, yuqoridagilar inobatga olingan holda, u uy-joyga muhtoj boʻlgan 30 yoshgacha boʻlgan taʼlim muassasalarining sobiq bitiruvchilari roʻyxatiga kiritildi.
Hamkorlikda amalga oshirilgan ishlar samarasida Mehribonlik uyi sobiq tarbiyalanuvchisining 10 yillik orzusi ushaldi.
Qoʻqon shahar hokimi va Milliy gvardiya Fargʻona viloyati boshqarmasi boshligʻining oʻrinbosari ishtirokida qahramonimizga Qoʻqon shahri “Oltin vodiy” mahalla fuqarolar yigʻinidan xonadon kalitlari topshirdi.
– Endi men ham oilam bilan barcha sharoitga ega oʻz xonadonimda yashayman , – deydi Mahliyoxon Odibova. Orzularimni amalga oshishiga yaqindan yordam berganlarga chin dildan minnatdorchilik bildiraman.
