“Gulbahor” oromgohida yozgi taʼtilning yorqin ranglari
22-sonli Mehribonlik uyiga karashli Gulbahor yozgi bolalar oromgohida dam olayotgan tarbiyalanuvchilarning vaqtlarini qiziqarli va mazmunli o‘tkazish maqsadida Alisher Navoiy nomidagi kinochilar uyiga sayohat tashkil etildi.Tashrif davomida bolajonlar mutaxassislar tomonidan O‘zbek kino tarixi bilan yaqindan tanishtirildi. Shundan so‘ng tarbiyalanuvchilar uchun Vatanparvarlik ruxidagi O‘zbek kino ijodkori Hilol Nasimov tomonidan suratga olingan va aktyorlar tomonidan mohirlik bilan ijro etilgan "Vatan ostonasi" deb nomlangan film namoyish etildi. Mazkur film barchada o‘zgacha taassurotlar qoldirdi.
Shuningdek, kuni kecha “O‘rikzor” mahallasida joylashgan “Gulbahor” bolalar sog‘lomlashtirish oromgohida Milliy gvardiya harbiy qism hamda Qo‘riqlash bo‘limi va tuman madaniyat bo‘limi xodimlari tomonidan 22-sonli Mehribonlik uyi tarbiyalanuvchilari ishtirokida "Yoshlar bilan birgamiz" shiori ostida konsert o‘tkazildi. Konsert dasturi davomida bolajonlar tomonidan milliy raqslar va badiiy chiqishlar namoyish etildi.
Shuni taʼkidlab o‘tish joizki, tarbiyalanuvchilar bilan Ko‘ksaroy mahalla inspektori ishtirokida jinoyatchilikni oldini olish, mayda bezorilik hamda ko‘ngilsiz hodisalarga yo‘l kuymaslik yuzasidan o‘tkazilgan umumiy yig‘ilish barcha bolajonlarda mavzuga oid bilimlarini oshirishiga keng zamin yaratdi.
