Varshavadagi IX jahon chempionatida ishtirok etgan 22-sonli Mehribonlik uyining yosh futbolchilari O‘zbekistonga qaytib kelishdi
Bugun Islom Karimov nomidagi “Toshkent” xalqaro aeroportida 22-sonli Mehribonlik uyi rahbariyati, tarbiyalanuvchilari va Milliy gvardiya vakillari Varshava (Polsha) shahrida Mehribonlik uylari jamoalari o‘rtasida futbol bo‘yicha IX Jahon chempionatida ishtirok etib, qaytib kelgan futbolchilarimiz jamoasini tantanali ravishda kutib olishdi.
Chempionatda Portugaliya, Xorvatiya, Yaponiya, Tayland, Iordaniya, Turkiya, Germaniya, Bosniya va Gersegovina, Chexiya, Slovakiya, Ukraina, Sloveniya, Vengriya, Malta va boshqa 26 mamlakatdan Mehribonlik uylari terma jamoalari ishtirok etdi. O‘zbekiston terma jamoasi Markaziy Osiyo mamlakatlaridan yagona jamoa bo‘ldi.
Bizning yosh futbolchilarimiz guruh bosqichida ajoyib natijalarga erishishdi. Ular beshta o‘yinda g‘alaba qozonishdi:
O‘zbekiston 7 – 0 Senegal;
Chexiya 0 – 0 O‘zbekiston;
O‘zbekiston 4 – 0 Makedoniya;
Malta 1 – 3 O‘zbekiston;
Montenegro 0 – 6 O‘zbekiston.
Xujumchilar Toshmuhamedov Danil raqib darvozasiga 7 marta gol urgan bo‘lsa, Yoqubov Sanjar 5 marotaba raqib darvozasini ishg‘ol qildi.
Shu tariqa O‘zbekiston terma jamoasi keyingi bosqichga yo‘l oldi. Afsuski, Taylanddan kelgan jamoa bilan birinchi o‘yinda yigitlarimiz 0:1 hisobida mag‘lubiyatga uchrab, 7-o‘rinni egalladi.
Terma jamoamiz murabbiyi Abdulaziz Mannapovning so‘zlariga ko‘ra, "Bolalar munosib o‘ynashdi. O‘tgan yili biz ikkinchi o‘rinni egallagan edik. Nima uchun ular turnir jadvalida faqat 7-o‘rinni egallashga muvaffaq bo‘lishdi? Rostini aytganda, biroz omad yetmadi. Endilikda, biz xatolar ustida ishlaymiz, keyingi chempionatda katta natijalarga erishish uchun mashg‘ulotlarni kuchaytiramiz."
