“OILAVIY BOLALAR UYLARI” YoSHLARINING BO‘Sh VAQTLARI MAZMUNLI TASHKIL ETILDI
Farzandlarimizni tarbiyali, komil insonlar qilib o‘stirish yo‘lida, Qoraqalpog‘iston Respublikasi bo‘yicha Milliy gvardiya boshqarmasi tashabbusi bilan qator ishlar amalga oshirilmoqda. Jumladan, Respublikamizda joylashgan “Oilaviy Bolalar uylari” yoshlarining bo‘sh vaqtlarini mazmunli tashkil etish maqsadida tadbir tashkil etildi.
Dastlab, yoshlar Qoraqalpog‘iston Respublikasi Qo‘riklash boshkarmasi binosida bo‘lib, yangi zamonaviy qo‘riklash qurilmalari haqida maʼlumotga ega bo‘ldi.
Undan so‘ng, boshkarmaning Ruhiy yengillik xonasida “Kelajakga qadam” mavzusida psixologik trening tashkil etildi. Qorakalpog‘iston Respublikasi bo‘yicha Milliy gvardiya boshqarmasi psixologi kapitan A.Dosnazarov boshchiligida yoshlar bilan suhbatlar o‘tkazildi.
Ota-onaga hurmat, milliy urf-odat dasturlar, milliy qadriyatlar ruhida tarbiyalash maqsadida yoshlarga maslahatlar berildi.
Qizikarli o‘tgan tadbir davomida yoshlarga ruhiy yengillik bag‘ishlash maqsadida, interfaol o‘yinlar o‘ynaldi.
Bundan so‘ng, “Oilaviy Bolalar uylari” yoshlari Nukus shahrida joylashgan “Berdaq nomidagi Qoraqalpoq davlat akademik drama teatri”da bo‘lib, sanʼatkorlar tomonidan ijro etilgan ko‘y-qo‘shiqlarni tinglab, madaniy hordiq chiqarishdi.
