Ro‘ziboevlar oilasi farzandlarining IT sohasiga bo‘lgan qiziqishi qanday qo‘llab-quvvatlanmoqda
Milliy gvardiya Farg‘ona viloyati bo‘yicha boshqarmasi mutaxassis-psixologlari Ro‘ziboevlar oilasi farzandlari bilan psixologik suhbat va test o‘tkazdilar. Bolalarning psixologik va ruhiy holati bilan bir qatorda ularning sanʼat va axborot texnologiyalari yo‘nalishlariga bo‘lgan qiziqishlari ham o‘rganildi. Aniqlandiki, bolalarning aksariyat qismi informasion texnologiyalar – IT sohasiga qiziqishlari juda yuqori ekan. Bolalarning taʼkidlashicha, ushbu soha orqali inson o‘zidagi ijodiy salohiyatni kashf etish bilan bir qatorda, sizga mos keladigan yo‘nalish texnologiya bilan bog‘liqmi yoki gumanitar fanlarga moyilligingiz bormi – tekshirib olishingiz mumkin. Milliy gvardiya psixologlari kompyuter texnologiyalarini o‘rganish to‘garagining ish boshlashiga o‘z hissalarini qo‘shdilar.
Bolalar hozirda CorelDRAW dasturi doirasida grafik redaktor nima, vektor grafikasi qanday ishlaydi singari savollarga javob izlamoqdalar. "Bizning maqsadimiz – yana boshqa, ko‘p ishlatiladigan dasturlarni o‘rganish, - deydi Ro‘ziboevlar farzandlari. - IT sohasi qiziq bo‘lishi bilan bir qatorda, kelajakda masofadan turib ishlash imkoniyatini berishi bilan afzaldir".
