Kitoblar olamiga sayohat
Qo‘shtepa tumani “Sohibkor” mahallasida istiqomat qiluvchi “Oilam baxtim quvonchi” nomli Oilaviy bolalar uyiga viloyat Axborot-kutubxona markazi vakillari tashrif buyurdi.
Tashrif davomida bolajonlarga badiiy adabiyotlar, o‘quv qo‘llanmalar sovg‘a qilinib, adabiyot olamidagi yangiliklar, kitoblar, yozuvchi va shoirlar, adabiy janrlardagi afzalliklar haqida so‘zlab berildi.
Turli mavzularda qizlar va mehmonlarning fikri bir-biriga mos tushdi.
Masalan, yosh avlod va kattalarga kitoblarning qogʻoz bosmasi bilan bir qatorda, elektron shakli ham manzur kelishi. Boisi internetda har qanday maʼlumotlarni uydan chiqmasdan topa olish kitobxonga qulaylik yaratadi.
Yoshlar kutubxona xodimlari bilan qadrdonlar singari xayrlashib, kitob va adabiyot haqidagi suhbatni davom ettirish uchun tez-tez koʻrishib turishga kelishib olishdi.
