Kitob- insonni tarbiyalovchi murabbiydir
Farg‘ona viloyati Qo‘shtepa tumani Axborot-kutubxona markazi xodimlari tomonidan “Kitobsevar millat” loyihasi doirasida “Oilam baxtim hayoti” nomli Oilaviy bolalar uyida “Kitobxonlik haftaligi” shiori ostida adabiy kecha tashkil etildi.
Suhbat avvalida bolalarga har yili respublika miqyosida o‘tkaziladigan “Kitobxonlik haftaliklari” haqida so‘zlab berildi. Joriy yil uchinchi marotaba o‘tkazilayotgan bunday haftalikdan maqsad adabiyotni ommalashtirish, bolalarda kitobga mehr uyg‘otishdir.
Shuningdek, bolalar va ularning ota-onalari zamonaviy o‘zbek adabiyoti, yozuvchi va shoirlar– zamondoshlarimiz haqida ma’lumotlarga ega bo‘ldilar. Oʻg’il-qizlar bolalar adabiyotidagi yangiliklarga katta qiziqish bildirib, so‘nggi paytda o‘qigan kitoblari bilan o‘rtoqlashdilar.
Tadbir yaxshi kayfiyatda va doʻstona aloqada o‘tdi.
Bolalarda Axborot-kutubxona markazi faoliyatiga qiziqish uyg‘ondi va ular ota-onalaridan mazkur maskanga olib borishlarini soʻradi.
