Kuchlilar g‘olib bo‘ldi
Milliy gvardiyaning Samarqand viloyati bo‘yicha boshqarmasi tomonidan yoshlar o‘rtasida turli tanlovlar va sport musobaqalari o‘tkazilib kelinmoqda. Navbatdagi Milliy gvardiyaning Samarqand viloyati bo‘yicha boshqarmasi birinchiligi sport musobaqasi Samarqand shahridagi SOS bolalar mahallasi tarbiyalanuvchilari o‘rtasida o‘tkazildi. Musobaqada bolalar sportning futbol, stol tennisi, shaxmat-shashka kabi turlari bo‘yicha o‘zaro bellashishdi.
Qiziqarli kechgan bahslarda bolalar yana bir bor sportdagi imkoniyatlarini sinovdan o‘tkazishdi. Futbol musobaqasida maydonga tushgan Liderlar va Chaqqonlar jamoalari o‘rtasida murosasiz kechgan o‘yin qizg‘in bahslarga boy bo‘ldi. O‘yin yakuniga ko‘ra Chaqqonlar jamoasi ikki-yu bir hisobida Liderlar jamoasi ustidan g‘alaba qozonib, musobaqa g‘olibligini qo‘lga kiritdi. Shashka musobaqasida ishtirok etgan o‘yinchilar orasidan eng kuchlilari saralandi. Natijalar ko‘ra 3-o‘rinni Ruxshona Mirzayeva, 2-o‘rinni Shaxrizoda Akilovalar egallagan bo‘lishsa, Shaxlo Xajjayeva 1-o‘rinni qo‘lga kiritib, musobaqaning mutloq g‘olibi deb topildi.
Musobaqa yakuniga ko‘ra g‘olib jamoalar va sportchilar tashkilotchilar tomonidan diplom va esdalik sovg‘alari bilan taqdirlandi.
