Yozgi oromgoh ochildi-dam olish boshlandi!
30-sonli mehribonlik uyi tarbiyalanuvchilari yozgi taʼtil kunlarida dam oladigan “Nur” bolalar sogʻlomlashtirish oromgohida mavsumning tantanali ochilishi boʻlib oʻtdi.
Bolalar uchun oromgoh-Boʻstonliq tumani togʻlari orasida yashil rangga botgan obod dalahovlidir. Oromgohda mevali daraxtlar, suv havzasi, oʻyin va sport maydonchalari, shinam uxlash pavilonlari va, albatta, qiziqishlarga mos toʻgaraklar, sport boʻlimlari bor. Shuning uchun, yozgi mavsumning ochilishi ular uchun har doim bayram boʻlib, ular bunga masʼuliyat bilan tayyorgarlik koʻrishadi.
Shunday qilib, bu safar bolalar badiiy rahbarlari, oʻqituvchilar va inspektor-psixologlar bilan birgalikda teatrlashtirilgan musiqiy tomosha tayyorlashdi.
Namoyishning asosiy qahramonlari bolalarning oʻzlari boʻlganligi sababli syujetga koʻra, barcha voqealar ularning yozgi dalahovlisi boʻlgan oromgohda boʻlib oʻtdi. Yosh aktyorlar oromgohdagi hayot haqida qoʻshiqlar va sheʼriy shaklda gapirib, shu bilan birga isteʼdod va qobiliyat, koʻnikma va bilimlarini namoyish etishdi.
Bolalarni oromgohning ochilishi bilan tabriklash uchun Milliy gvardiya qoʻmondonining oʻrinbosari polkovnik M.Ganiyev, Bolalar psixologiyasi Markazi mutaxassislari hamda "Mehribonlik" uyi tarbiyalanuvchilari oʻqiydigan Toshkentdagi uchta ixtisoslashtirilgan maktablar direktorlari tashrif buyurishdi.
Bayram kechasi anʼanaviy gulxan yoqish, bolalarga sovg‘alar taqdim etish va quvnoq raqslar bilan yakunlandi.
