“Mehr daftari”ga kiritilgan qo‘qonlik yoshlarning orzulari ushaldi.
Milliy gvardiya Farg‘ona viloyati boʻyicha boshqarmasi harbiy xizmatchi va xodimlari hamda Qo‘qon shahar hokimligi vakillari tomonidan ota-onasidan mahrum boʻlgan nevaralarini oʻz tarbiyasiga olgan Tursunoy buvining holidan xabar olindi.
Bundan avval, 16 yoshli Farangiz va 14 yoshli Muhammadrizo “Mehr daftari” elektron platformasiga kiritilgan edi. Bolajonlar bilan boʻlgan suhbat davomida ular o`z orzulari, maqsadlari va yozgi rejalari bilan oʻrtoqlashdilar: Farangiz har xil pirog, tortlar pishirishni oʻrganishni xohlar, Muhammadrizo boʻlsa kompyuter dasturlari yordamida tabriknomalar, animatsiyalar hamda 3D shaklida dizaynlar yasashni yaxshi koʻrardi.
Bolalarning xohish-istaklari inobatga olingan holda, ularga mini elektr pech va noutbuk sovg‘a qilindi.
Koʻrsatilgan eʼtibordan ular mamnun boʻlib, tashkilotchilarga oʻz minnatdorchiligini bildirdi.
