“Mehr daftari” har bir yoshning orzularini ro‘yobga chiqarmoqda
Davlatimiz rahbarining tashabbusi bilan ota-ona qaramog‘idan mahrum bo‘lgan, ko‘makka muhtoj yetim bolalarni ro‘yxatga olish va manzilli ko‘mak ko‘rsatishni yo‘lga qo‘yish maqsadida “Mehr daftari” platformasi ishga tushirilgan edi. Mazkur platformaga bugungi kunda Romitan tumanida 16 nafar yigit-qizlar kiritilgan bo‘lib, ularga amaliy yordam ko‘rsatish ishlari olib borilmoqda.
Xususan, shu kungacha mazkur jamg‘arma tomonidan 11 nafar yetim va ota-ona qaramog‘idan mahrum bo‘lgan bolalarning orzu-istaklari o‘rganilib, “Mehr daftari” jamg‘armasi mablag‘i hisobidan 28 mln so‘m mablag‘ ajratilgan va ularga 6 dona zamonaviy noutbuk hamda 5 ta yotoq uchun divan mebellari topshirilgan edi.
Kuni kecha Romitan tumani hokimligi va Buxoro viloyati hokimligi Bolalarni himoya qilish masalalari kotibiyati bilan hamkorlikda platformaga kiritilgan 5 nafar yigit-qizlarga “Mehr daftari” jamg‘armasi hisobidan 20 million so‘m mablag‘ ajratildi va 3 dona zamonaviy noutbuk, 2 ta yotoq uchun divan mebellari va dars tayyorlash uchun maxsus jihozlar hamda ustki kiyim boshlar topshirildi.
Bu kabi saxovat tadbirlari ijtimoiy himoyaga muhtoj aholini jamiyatda o‘z o‘rnini topishlariga ko‘maklashish hamda ularni har jihatdan qo‘llab-quvvatlash namunasi bo‘lib xizmat qilmoqda
