Mehribonlik uyi tarbiyalanuvchilarining Hayvonot bog’ida tashkil etilgan xayriya koʻrgazmasiga tashrifi
Toshkent hayvonot bog‘i hududida «Uyga yo‘l 2» xayriya ko‘rgazmasi bo‘lib o‘tmoqda. «Hayot» boshpanasiz hayvonlarni himoya qilish jamiyati NNT, «Mushukkent» loyihasi va Toshkent hayvonot bog‘i tomonidan tashkil etilgan xayriya ko‘rgazmasi 2023-yil 6-7 may kunlari o‘tkazilishi rejalashtirilgan. Mazkur loyihadan ko‘zlangan maqsad shundan iboratki, qarovsiz qolgan yoki ko‘chadan topib olingan kuchuklar va mushuklarga yangi uy, ko‘rgazmada sotilayotgan mahsulotlardan ular uchun oziq ovqat xarid qilishdan iborat. Barcha hayvonlar yuvib taralgan, emlangan va pasportga ega. Yoshlarni hayvonlarga bo‘lgan mehrini oshirish, hayvonot olami bilan oshno bo‘lishga undash maqsadida poytaxtimizdagi 22 va 30-sonli Mehribonlik uyi tarbiyalanuvchilari ham mazkur koʻrgazmaga taklif etildi. Ko‘rgazma davomida ko‘chalarda qarovsiz qolgan va yaxshi parvarish, muolajalar natijasida xastalikdan tuzalgan kuchuk va mushuklarni tomosha qilgan yoshlarning hayvonot olamiga bo‘lgan munosabatlari ijobiy tomonga oʻzgarardi.
Shu bilan birga, bolajonlar uchun turli musiqiy chiqish va raqslar ijro etildi. Interfaol usulda hayvonot olamiga doir savol javoblar bo‘lib o‘tdi. O‘quvchi yoshlar tomonidan chizilgan rasmlar ko‘rgazmasi ham ko‘pchilikda katta taassurot qoldirdi.
Shuningdek, Mehribonlik uyi tarbiyalanuvchilari uchun bog‘da homiylar tomonidan bepul muzqaymoq ham ulashildi. Shu tariqa dam olish kunida o‘g‘il qizlarning bo‘sh vaqtlari mazmunli tashkil etildi.
