“Mehribonlik” uylari bitiruvchilari va Oilaviy uylar farzandlarining talabalar turar joylaridagi yashash sharoitlari o‘rganildi.
Davlatimiz rahbarining “Yetim bolalar va ota-ona qaramog‘idan mahrum bo‘lgan bolalarni ijtimoiy qo‘llab-quvvatlashga doir qo‘shimcha chora-tadbirlar to‘g‘risida”gi qaroriga ko‘ra, “Mehribonlik” uylari bitiruvchilari va Oilaviy uylar farzandlari o‘rta maxsus va oliy taʼlim muassasalariga imtiyozli shartlarda o‘qishga qabul qilindi.
Milliy gvardiya Farg‘ona viloyati bo‘yicha boshqarmasi masʼul xodimlari tomonidan tarbiyalanuvchilarga eʼtibor qaratilib, ularning yotoqxonalardagi yashash sharoitlari o‘rganildi.
Xodimlar yoshlarning qanday kamchilik va muammolari borligi, to‘laqonli o‘qish uchun qanday sharoitlar yaratilganligi bilan qiziqdilar. Talabalarga muammolar yuzaga kelganda har doim Milliy gvardiya vakillari bilan bog‘lanishlari mumkinligi taʼkidlandi.
