Milliy gvardiya bilan qiziqarli va samarali kun
Milliy gvardiya xodimlari nafaqat bolalar sog‘lomlashtirish oromgohlarida dam olayotgan bolalar xavfsizligini taʼminlamoqda, balki dam olish kunlarida maktab o‘quvchilari yangi bilim va ko‘nikmalarga ega bo‘lishlari, rivojlanishi va sport bilan shug‘ullanishi uchun tadbirlarni tashkil etishda faol ishtirok etishmoqda.
Xususan, Farg‘ona viloyati Milliy gvardiya va “Qo‘riqlash” boshqarmalari xodimlari muntazam ravishda viloyat hududida joylashgan oromgohlarga borib, bolalar uchun harbiy texnika va jihozlar ko‘rgazmasini o‘tkazishmoqda, shu bilan birga gvardiyada xizmat qilish va harbiy taʼlim muassasalari haqida gapirib berishmoqda. O‘g‘il bolalar va qizlar harbiy xizmatga katta qiziqish bildirib, gvardiyachilar qanday sport turlari bilan shug‘ullanishlari haqida so‘rashdi.
Bundan tashqari, gvardiyachilar intellektual musobaqalar, sport musobaqalarini tashkil qilib, o‘smirlar bilan futbol, stol tennisi, shashka va shaxmat o‘ynashdi, kitob o‘qishdi, milliy qahramonlar va taniqli ajdodlar, vatanparvarlik va Vatanga muhabbat haqida suhbatlashishdi. Shuningdek, ular anʼanaviy o‘zbek o‘yinlari haqida gapirishdi, kamondan o‘q otish bo‘yicha mahorat darslarini o‘tkazishdi.
Gvardiyachilar tufayli har kuni oromgohlarda bolalar vaqtlarini qiziqarli va maʼrifiy o‘tkazishmoqda.
