Milliy gvardiya xodimlari Xorazm viloyatining Yangiariq tumanida maʼlum sabab yuzasidan uylarida tahsil olayotgan maktab o‘quvchilarinikiga tashrif buyurishdi
Milliy gvardiya Xorazm viloyati bo‘yicha boshqarmasi inspektor-psixologlari 27-maktabning 8 va 9-sinf o‘quvchilari Alisher, Bexruz shuningdek, 31-maktabning 9-sinf o‘quvchi qizi Ug‘iljon hamda 7-maktabning 9-sinf o‘quvchisi Norjonlarning yashash xonadonlarida bo‘lishdi.
Yangiariq tumanida istiqomat qiluvchi ushbu yoshlar salomatligi tufayli maktabga boraolmasdan, bugunda uyda o‘qitilmoqda. Ularning yashash xonadoniga tashrif buyurgan inspektor-psixologlar o‘g‘il-qizlarning o‘zini qanday his qilayotgani, mashg‘ulotlar qanday o‘tayotgani, mashg‘ulotlar uchun zarur bo‘lgan o‘quv qurollari va zaruriy extiyojlarga ega ekanligi, misol uchun, tibbiy muassasaga tashrif tashkil etishda yordamga muhtojmi yoki yo‘qligini o‘rganishdi. Bu bolalar haqiqatan ham qo‘llab-quvvatlashga muhtoj, birinchi navbatda psixologik, ularga hayotda doimo o‘z o‘rnini topishini va qobiliyatlarini ro‘yobga chiqara olishiga turtki berish zarur.
Uchrashuvning yana bir muhim jihati o‘smirlar bilan suhbat, qiziqarli kitob va filmlar, sevimli mashg‘ulotlari va orzulari muhokamasi bo‘ldi.
Ko‘pincha yaqinlari bilan hamsuhbat bo‘lgan yigitlar xodimlar bilan gaplashganda, quvonchli lahzalar va tajribalar bilan o‘rtoqlashishdan, kasallik tufayli bora olmagan maktabdagi yangiliklarni so‘rashdan xursand bo‘lishdi.
Albatta inspektor-psixologlar kelgusida ham o‘g‘il-qizlarning o‘z kuchiga bo‘lgan ishonchini oshirishga yordam berish maqsadida suhbatlar, psixologik treninglar o‘tkazishda davom etadi.
Muqaddas Ramazon oyida inspektor-psixologlar bolalarni sovg‘alar – qiziqarli kitoblar va o‘quv adabiyotlari, shirinliklar va mevalar bilan xursand qilishgani esa tahsinga loyiqdir.
