22-SONLI MEHRIBONLIK UYI TARBIYALANUVCHILARI UCHUN MADANIYAT VA SPORT TADBIRLARI
“Mehribonlik” uylari tarbiyalanuvchilarini qo‘llab-quvvatlashni, ularga yordam berishni xohlovchilar doimo ko‘p. Odatda bu kabi insonlar bolalarni ovqatlantirishni, ularga kiyim-kechak, kitob hamda o‘yinchoqlar olib berishini istaydi. Bolalar bo‘lsa ko‘proq muloqot qilishni xohlaydi. Ko‘ngildagidek suhbatlar, ichki hissiyotlarini baham ko‘rish... Va shu bilan birga ular bog‘lar, teatrlarga birgalikda sayohat qilishni va yomg‘irda yurishni yaxshi ko‘rishadi. Asosiysi, kim bilan borish muhim emas.
Ushbu maqsadda davlatimiz rahbarining tashabbusi bilan Mehribonlik uylari tarbiyalanuvchilarining hayotida Milliy gvardiya harbiy xizmatchi va xodimlarining paydo bo‘lishi bilan ularning orzulari nihoyat ro‘yobga chiqa boshladi…
Jumladan, yaqinda Toshkent shahridagi 22-Mehribonlik uyining o‘g‘il-qizlari va Olimpiya zaxiralari kollejidagi tengdoshlari uchun Chilonzor tumani qo‘riqlash boshqarmasi xodimlari tomonidan Kamondan otish Federatsiyasi bazasiga sayohat uyushtirildi. O‘smirlar federatsiya mutaxassislarining ushbu sportning kelib chiqish tarixi,o‘tgan davrda Olimpiya o‘yinlari dasturiga qanday kiritilganligi haqidagi maʼlumotlarni qiziqish bilan tinglashdi. Nishonga otishni o‘rgangan o‘smirlarning quvonchi cheksiz edi.Tarbiyalanuvchilar yana bu yerga kelish istaklarini bildirishdi.
shuningdek, bolalar uchun "5 tashabbus" doirasida qiziqarli tadbirlar tashkil etildi. O‘quvchilar o‘z xohish-istaklari va qobiliyatiga qarab besh guruhga – o‘qish, qo‘shiq kuylash, tasviriy sanʼat, tikuvchilik va do‘ppido‘zlik hamda sport bilan shug‘ullanuvlar alohida guruhlarga ajratildi. Avval har bir guruhda mashg‘ulotlar o‘tkazildi, keyin har bir jamoa final uchun tayyorlanib, unda yigitlar nimalarni o‘rganganini namoyish etishdi. Tadbir qiziqarli, quvonchli tarzda bo‘lib o‘tdi. Eng muhimi, Milliy gvardiya harbiy xizmatchilar va xodimlarining qo‘llab-quvvatlashi har bir o‘quvchi o‘zini isteʼdodli va ijodiy his qilishiga turtki bo‘ldi
