Yoshlarni yurtga sadoqat va hurmat ruhida tarbiyalash, ular qalbida vatanga muhabbat hissini shakllantirish maqsadida navbatdagi ochiq eshiklar kuni tashkil etildi
Ertangi kunimiz egalari boʻlmish yoshlarni vatanparvarlik, yurtga sadoqat va hurmat ruhida tarbiyalash, vatanni himoya qilish har bir yigit-qizning muqaddas burchi ekanligini anglatish, harbiylik naqadar sharafli va mashaqqatli kasb ekanligini his ettirish maqsadida Milliy gvardiya Namangan viloyati boʻyicha boshqarmasida navbatdagi ochiq eshiklar kuni oʻtkazildi.
Tadbirda Namangan viloyatidagi oliy taʼlim muassasalari talabalari, shuningdek, Is’hoqxon Ibrat nomidagi ijod maktabi oʻquvchilari faol ishtirok etdilar. Ushbu tadbir yoshlarga harbiy kasbning sharafli va bir vaqtning oʻzida masʼuliyatli ekanligini yaqindan tushunishga imkon berdi.
Tadbir davomida ishtirokchilar uchun maxsus harbiy texnika va qurol-yarogʻlar namoyishi uyushtirildi. Shuningdek, harbiy xizmatchilarning askarlikka xos mahoratlari koʻrgazmali chiqishlari tomoshabinlarga taqdim etildi. Bu chiqishlar yoshlarda vatan himoyasi yoʻlidagi fidoyilikka boʻlgan qiziqishni kuchaytirdi.
Tadbirning yana bir qiziqarli qismi sport va madaniy tadbirlardan iborat boʻldi. Kamondan otish boʻyicha mahorat darsi, arqon tortish, shaxmat va shashka kabi bellashuvlar ishtirokchilarda katta taassurot qoldirdi.
